പശ്ചിമ ബംഗാളിൽ കെട്ടിടത്തിന് തീ പിടിത്തം; ആളപായമില്ല

ശനിയാഴ്‌ചയുണ്ടായ തീ പിടിത്തത്തിൽ ആളപായമൊന്നും രേഖപ്പെടുത്തിയിട്ടില്ല.

കൊൽക്കത്ത: പശ്ചിമ ബംഗാളിലെ സിലിഗുരിയിൽ നാല് നില കെട്ടിടത്തിന് തീ പിടിത്തം. ശനിയാഴ്‌ചയാണ് തീ പിടിത്തമുണ്ടായത്. ആളപായമില്ല.

നൗകട്ട് പ്രദേശത്തുള്ള ജനവാസമേഖലയിൽ സ്ഥിതി ചെയ്യുന്ന കോഴി ഫാമിന്‍റെ ഓഫീസിൽ നിന്ന് കനത്ത പുക പുറത്തേക്ക് വരുന്നത് കണ്ടതിനെ തുടർന്ന് പ്രദേശവാസികൾ അഗ്നിശമന സേനയെ വിവരമറിയിക്കുകയായിരുന്നു. ഒന്നര മണിക്കൂർ വീണ്ട പരിശ്രമത്തിനൊടുവിലാണ് തീ നിയന്ത്രണ വിധേയമാക്കാൻ സാധിച്ചത്.

തീ പിടിത്തത്തിന്‍റെ കാരണം എന്തെന്ന് വ്യക്തമായിട്ടില്ല. ഇതിനായി ഉടൻ അന്വേഷണം ആരംഭിക്കുമെന്ന് അഗ്നിശമനസസേന അറിയിച്ചു.