യുപിയിൽ യമഹയുടെ സ്പെയർ പാർട്‌സ് ഗോഡൗണിൽ തീപിടിത്തം

തീപിടിത്തത്തിൽ ആളപായമില്ല. അഗ്നിശമന സേനയെത്തി തീയണച്ചു.

ലക്‌നൗ: യമഹയുടെ സ്പെയർ പാർട്‌സ് ഗോഡൗണിൽ തീപിടിത്തം. നോയിഡയിലെ സൂരജ്‌പൂർ മേഖലയിൽ ഇന്ന് പുലർച്ചെയാണ് തീപിടിത്തമുണ്ടായത്. തീപിടിത്തത്തിൽ ആളപായം സംഭവിച്ചിട്ടില്ല. അഗ്നിശമന സേനയെത്തി രാവിലെ എട്ട് മണിയോടെ തീ പൂർണമായും നിയന്ത്രണ വിധേയമാക്കിയതായി പൊലീസ് അറിയിച്ചു. തീപിടിത്തത്തിന്‍റെ കാരണം വ്യക്തമല്ല.