പ്രിയങ്ക ഗാന്ധിക്കെതിരെ വധഭീഷണി; ട്വിറ്റർ ഉപയോക്താവിനെതിരെ എഫ്‌ഐആർ രജിസ്റ്റർ ചെയ്തു
ബസ്തി ജില്ലയിലെ കോൺഗ്രസ് പ്രവർത്തകൻ പങ്കജ് ദ്വിവേദി നൽകിയ പരാതിയുടെ അടിസ്ഥാനത്തിൽ ഐപിസി സെക്ഷൻ 506, ഐടി നിയമത്തിലെ സെക്ഷൻ 66 എന്നിവ പ്രകാരമാണ് കേസ് രജിസ്റ്റർ ചെയ്തത്
പ്രിയങ്ക ഗാന്ധിയെ വെടിവെക്കുമെന്ന് ഭീഷണിപ്പെടുത്തിയ ട്വിറ്റർ ഉപയോക്താവിനെതിരെ എഫ്‌ഐആർ രജിസ്റ്റർ ചെയ്തു
ലക്‌നൗ: കോൺഗ്രസ് നേതാവ് പ്രിയങ്ക ഗാന്ധിയെ വെടിവെക്കുമെന്ന് ട്വിറ്ററിൽ ഭീഷണിപ്പെടുത്തിയ ആൾക്കെതിരെ എഫ്‌ഐആർ രജിസ്റ്റർ ചെയ്തതായി പൊലീസ് പറഞ്ഞു. ബസ്തി ജില്ലയിലെ കോൺഗ്രസ് പ്രവർത്തകൻ പങ്കജ് ദ്വിവേദി നൽകിയ പരാതിയുടെ അടിസ്ഥാനത്തിൽ ഐപിസി സെക്ഷൻ 506, ഐടി നിയമത്തിലെ സെക്ഷൻ 66 എന്നിവ പ്രകാരമാണ് കേസ് രജിസ്റ്റർ ചെയ്തത്. സംസ്ഥാനത്തെ സാമ്പത്തിക സ്ഥിതി പുനരുജ്ജീവിപ്പിക്കാൻ ഒരു ടാസ്‌ക് ഫോഴ്‌സ് രൂപീകരിക്കണം എന്ന് ആവശ്യപ്പെട്ട് പ്രിയങ്ക ഗാന്ധി ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് കത്തെഴുതിയിരുന്നു. ഇതിൽ പ്രതികരിച്ച് “ഹാൻഡിൽ @ ആർട്ടിപാണ്ടെ യുപി 51”പ്രിയങ്കയെ വെടിവെക്കുമെന്ന് ഭീഷണിപ്പെടുത്തി. രണ്ട് ദിവസം കഴിഞ്ഞിട്ടും പൊലീസ് ഇതുവരെ ആരെയും അറസ്റ്റ് ചെയ്തിട്ടില്ലെന്ന് യുപി കോൺഗ്രസ് കൺവീനർ ലാലൻ കുമാർ പറഞ്ഞു.