"കെയർ" ഇമോജി അവതരിപ്പിക്കാനൊരുങ്ങി ഫേസ്ബുക്ക്

അടുത്ത ആഴ്ച മുതൽ ഫേസ്ബുക്കിലും മെസഞ്ചറിലും "കെയർ" ഇമോജി ലഭ്യമാകും

കൊവിഡിന്‍റെ പശ്ചാത്തലത്തിൽ ജനങ്ങളെ ബോധവൽക്കരിക്കുന്നതിൽ പിന്തുണ പ്രഖ്യാപിച്ച് ഫേസ്ബുക്കും. ഇതിന്‍റെ ഭാഗമായി "കെയർ" എന്ന ഇമോജി ഉടൻ ലഭ്യമാക്കാനൊരുങ്ങുകയാണ് ഫേസ്ബുക്ക്. കെയർ ഇമോജി ബട്ടൺ ഫേസ്ബുക്ക് അപ്ലിക്കേഷനിലും മെസഞ്ചറിലും അടുത്ത ആഴ്ച മുതൽ ലഭിക്കും.

'പരസ്പരം പിന്തുണ പ്രഖ്യാപിക്കേണ്ട ഈ സമയത്ത് ഫേസ്ബുക്കും അതിന്‍റെ ഭാഗമാകുന്നു. ഫേസ്ബുക്ക് അപ്ലിക്കേഷനിലും മെസഞ്ചറിലും കെയർ എന്ന ഇമോജി ആരംഭിക്കുകയാണ്'. ഫേസ്ബുക്ക് ട്വിറ്ററിലൂടെ അറിയിച്ചു.