വാഷിംഗ്‌ടണ്‍:യുഎസ് പ്രസിഡന്‍റ് ഡൊണാള്‍ഡ് ട്രംപിനൊപ്പം ഇന്ത്യ സന്ദര്‍ശിക്കുന്നതില്‍ ആവേശമുണ്ടെന്ന് പ്രഥമ വനിത മെലാനിയ ട്രംപ്. പ്രഥമ വനിതയെന്ന നിലയില്‍ ഇന്ത്യയിലേക്കുള്ള കന്നി യാത്ര ഇരു രാജ്യങ്ങളും തമ്മിലുള്ള അടുത്ത ബന്ധം ആഘോഷിക്കുന്നതിനുള്ള അവസരമാണെന്ന് മെലാനിയ ട്രംപ് ട്വീറ്റ് ചെയ്‌തു.
ഇന്ത്യ സന്ദർശിക്കുന്നതിന് ക്ഷണം നൽകിയതിന് പ്രധാന മന്ത്രി നരേന്ദ്ര മോദിയോട് അവർ നന്ദി പറഞ്ഞു. ഈ മാസം അവസാനം അഹമ്മദാബാദും ന്യൂഡല്‍ഹിയും സന്ദര്‍ശിക്കാന്‍ ആഗ്രഹിക്കുന്നുവെന്നും മെലാനിയ പറഞ്ഞു. പ്രസിഡന്‍റ് ട്രംപും താനും ഇരു രാജ്യങ്ങളും തമ്മിലുള്ള അടുത്ത ബന്ധം ആഘോഷിക്കുന്നതില്‍ ആവേശത്തിലാണ്.