ഹൈദരാബാദ്: കൊല്ലപ്പെട്ട വെറ്ററിനറി ഡോക്‌ടറുടെ വീട് സന്ദര്‍ശിക്കാനെത്തിയ പ്രാദേശിക രാഷ്ട്രീയ നേതാക്കളെ നാട്ടുകാര്‍ തടഞ്ഞു. സഹതാപമല്ല പ്രതികള്‍ക്കെതിരെ ശക്തമായ നടപടിയാണ് വേണ്ടതെന്നായിരുന്നു നാട്ടുകാരുടെ പ്രതിഷേധം. യുവതിയുടെ കുടുംബം താമസിക്കുന്ന കോളനിയുടെ പ്രവേശന കവാടം നാട്ടുകാര്‍ അടച്ചുപൂട്ടി.
മാധ്യമങ്ങള്‍ വേണ്ട, പൊലീസ് വേണ്ട, പുറത്തുനിന്നുള്ളവര്‍ വേണ്ട, സഹതാപവും വേണ്ട, വേണ്ടത് നടപടിയും നീതിയും മാത്രമെന്ന് എഴുതിയ പ്ലക്കാര്‍ഡുകളുമായാണ് നാട്ടുകാര്‍ പ്രതിഷേധിച്ചത്. സംഭവത്തില്‍ മുഖ്യമന്ത്രി ചന്ദ്രശേഖര റാവുവും പ്രധാനമന്ത്രി നരേന്ദ്രമോദിയും പ്രതികരിക്കാത്തതിലും ജനങ്ങള്‍ രോഷം പ്രകടിപ്പിച്ചു.