ഷോപ്പിയാനിൽ ഏറ്റുമുട്ടൽ; ഇന്ത്യൻ സൈന്യം ഒരു തീവ്രവാദിയെ വധിച്ചു

ജമ്മു കശ്‌മീരിൽ ഏപ്രിൽ ഒന്ന് മുതൽ ജൂണ്‍ പത്ത് വരെ നടന്ന ഏറ്റുമുട്ടലുകളിൽ 68 തീവ്രവാദികളെ ഇന്ത്യൻ സേന വധിച്ചു

ശ്രീനഗർ: ഷോപ്പിയാനിൽ ഞായറാഴ്‌ച നടന്ന ഏറ്റുമുട്ടലിൽ ഇന്ത്യൻ സേന ഒരു തീവ്രവാദിയെ വധിച്ചു. നിരവധി ആയുധങ്ങൾ പിടിച്ചെടുത്തു. ജമ്മു കശ്‌മീരിൽ ഏപ്രിൽ ഒന്ന് മുതൽ ഈ മാസം പത്ത് വരെ നടന്ന ഏറ്റുമുട്ടലുകളിൽ 68 തീവ്രവാദികൾ കൊല്ലപ്പെട്ടു. രാജ്യത്ത് കൊവിഡ് പ്രതിസന്ധി നിലനിൽക്കുന്ന സമയത്താണ് ഏറ്റുമുട്ടലുകൾ കൂടുതൽ നടന്നത്. ഹിസ്ബുൾ മുജാഹിദീനിലെ 35 പ്രാദേശിക ഭീകരരെ വധിച്ചതായി ഇന്ത്യൻ സേന അറിയിച്ചു. കൂടുതൽ തീവ്രവാദികള്‍ക്കായി തിരച്ചില്‍ ഊര്‍ജ്ജിതമാക്കി.