ഛത്തീസ്‌ഗഢിൽ വൈദ്യുതാഘാതമേറ്റ് കൊമ്പനാന ചെരിഞ്ഞ നിലയിൽ - elephant death in Chattisgarh
കൃഷിയിടത്തിന്‍റെ അതിർത്തിയിൽ സ്ഥാപിച്ച കമ്പിയിൽ നിന്നാണ് വൈദ്യുതാഘാതമേറ്റത്.
elephant
റായ്‌പൂർ : ഛത്തീസ്‌‌ഗഢിലെ റായിഗഡ് ജില്ലയിലെ ധർമജയ്‌ഗ പ്രദേശത്ത് വൈദ്യുതാഘാതമേറ്റ് കൊമ്പനാനയെ ചെരിഞ്ഞ നിലയിൽ കണ്ടെത്തി. കൃഷിയിടത്തിന്‍റെ അതിർത്തിയിൽ സ്ഥാപിച്ചിരുന്ന കമ്പിയിൽ നിന്നും വൈദ്യുതാഘാതമേറ്റാണ് 30 വയസുള്ള ആനയ്ക്ക് മരണം സംഭവിച്ചത്. വൈദ്യുതി കണക്ഷൻ നിയമ വിരുദ്ധമാണെന്നും അന്വേഷണം ആരംഭിച്ചെന്നും വനം വകുപ്പ് ഉദ്യോഗസ്ഥർ അറിയിച്ചു. വൈദ്യുതാഘാതം ഉൾപ്പെടെ പല കാരണങ്ങളാൽ ഒൻപത് ആനകളാണ് കഴിഞ്ഞ മൂന്നു മാസങ്ങൾക്കിടയിൽ സംസ്‌ഥാനത്ത് ചെരിഞ്ഞത്.