ഉഖ്റുലിനെ പിടിച്ചുലച്ച് വീണ്ടും ഭൂചലനം
ഇംഫാല്‍: മണിപ്പൂരിലെ ഉഖ്റുൽ ജില്ലയിൽ ഭൂചലനം. റിക്‌ടർ സ്കെയിലിൽ 5.4 തീവ്രത രേഖപ്പെടുത്തിയ ഭൂചലനം പുലർച്ചെ 3:32 ന് 10 കിലോമീറ്റർ താഴ്‌ചയിലാണ് ഉണ്ടായതെന്ന് നാഷണൽ സെന്‍റർ ഫോർ സീസ്മോളജി റിപ്പോർട്ട് ചെയ്‌തു. ആളപായമോ നാശനഷ്‌ടങ്ങളോ റിപ്പോർട്ട് ചെയ്‌തിട്ടില്ല. നേരത്തെ സെപ്റ്റംബർ ഒന്നിനും മണിപ്പൂരിലെ ഉഖ്‌റുലിന് 55 കിലോമീറ്റർ കിഴക്കായി റിക്‌ടർ സ്കെയിലിൽ 5.1 തീവ്രത രേഖപ്പെടുത്തിയ ഭൂചലനം ഉണ്ടായിരുന്നു.