രാഷ്ട്രീയ കൊലപാതകങ്ങളോട് ബംഗാൾ മുഖ്യമന്ത്രി പ്രതികരിക്കുന്നില്ലെന്ന് ഗവർണർ

സംസ്ഥാനത്ത് നടന്ന രാഷ്ട്രീയ കൊലപാതകങ്ങളെക്കുറിച്ചുള്ള അടിയന്തര സന്ദേശങ്ങളോട് മുഖ്യമന്ത്രി മമത ബാനർജി പ്രതികരിക്കുന്നില്ലെന്ന് പശ്ചിമ ബംഗാൾ ഗവർണർ ജഗദീപ് ധൻഖർ പറഞ്ഞു.

കൊൽക്കത്ത:പശ്ചിമ ബംഗാളിൽ നടന്ന രാഷ്ട്രീയ കൊലപാതകങ്ങളിൽ ഞെട്ടൽ പ്രകടിപ്പിച്ച ഗവർണർ ജഗദീപ് ധൻഖർ മുഖ്യമന്ത്രി മമത ബാനർജി തന്‍റെ അടിയന്തര സന്ദേശങ്ങളോട് പ്രതികരിക്കുന്നില്ലെന്ന് ട്വിറ്ററിലൂടെ ആരോപിച്ചു. ബിജെപി കൗൺസിലറായിരുന്ന മനീഷ് ശുക്ലയെ ഞായറാഴ്‌ച ടിറ്റഗർഹിൽ വച്ച് കൊലപ്പെടുത്തിയതിൽ പ്രതിഷേധിച്ച് തിങ്കളാഴ്‌ച ബാരക്‌പൂരിൽ 12 മണിക്കൂർ ബന്ദിന് ബിജെപി ആഹ്വാനം ചെയ്‌തിരുന്നു.

ക്രമസമാധാനനില വഷളായതിന്‍റെ പശ്ചാത്തലത്തിൽ ധൻഖർ പശ്ചിമ ബംഗാൾ അഡീഷണൽ ചീഫ് സെക്രട്ടറിയും പൊലീസ് ഡയറക്‌ടർ ജനറലും യോഗം ചേർന്നിരുന്നു.

മനീഷ് ശുക്ലയുടെ കൊലപാതകം സിബിഐ അന്വേഷിക്കണമെന്ന് ബിജെപിയുടെ പശ്ചിമ ബംഗാളിലെ കേന്ദ്ര നിരീക്ഷകൻ കൈലാഷ് വിജയവർഗിയ ആവശ്യപ്പെട്ടു.

നയങ്ങൾ മുതൽ രാഷ്ട്രീയ അതിക്രമങ്ങൾ വരെയുള്ള വിവിധ വിഷയങ്ങളിൽ പശ്ചിമ ബംഗാൾ ഗവർണറും മുഖ്യമന്ത്രിയും തമ്മിൽ മുമ്പും നിരവധി ചൂടേറിയ തർക്കങ്ങൾ നടന്നിട്ടുണ്ട്.