ബ്ലാക്ക് ലൈവ്സ് മാറ്റര്‍; അമേരിക്കന്‍ എംബസിക്ക് കനത്ത സുരക്ഷ ഒരുക്കി ഡല്‍ഹി പൊലീസ് - ബ്ലാക്ക് ലൈവ്സ് മാറ്റര്‍; അമേരിക്കന്‍ എംബസിക്ക് കനത്ത സുരക്ഷ ഒരുക്കി ഡല്‍ഹി പൊലീസ്
കൊവിഡിന്‍റെ പശ്ചാത്തലത്തില്‍ പിപിഇ കിറ്റുകള്‍ ധരിച്ചാണ് പൊലീസ് അമേരിക്കന്‍ എംബസിക്ക് കാവല്‍ നില്‍ക്കുന്നത്.
delhi
ഡല്‍ഹി: ലോകമെമ്പാടും കത്തിപ്പടര്‍ന്നുകൊണ്ടിരിക്കുന്ന ബ്ലാക്ക് ലൈവ്സ് ക്യാമ്പയിന്‍ പ്രതിഷേധം കണക്കിലെടുത്ത് ഡല്‍ഹി പൊലീസ് അമേരിക്കന്‍ എംബസിക്ക് സുരക്ഷ ശക്തമാക്കി. പ്രതിഷേധവുമായി ചില ഗ്രൂപ്പുകള്‍ എത്താനുള്ള സാഹചര്യമുണ്ടെന്ന് പൊലീസിന് ലഭിച്ച വിവരത്തിന്‍റെ അടിസ്ഥാനത്തിലാണ് സുരക്ഷ ശക്തമാക്കിയത്. കൂടുതല്‍ പൊലീസുകാരെ ഡല്‍ഹി പൊലീസ് എംബസിക്ക് മുന്നില്‍ വിന്യസിച്ചു. അമേരിക്കന്‍ പൊലീസിന്‍റെ മര്‍ദനത്തില്‍ 46കാരനായ കറുത്തവര്‍ഗക്കാരനായ ജോര്‍ജ് ഫ്ലോയ്ഡ് മരിച്ചതില്‍ പ്രതിഷേധിച്ചാണ് ലോകമെമ്പാടും ബ്ലാക്ക് ലൈവ്സ് മാറ്റര്‍ എന്ന പേരില്‍ പ്രതിഷേധം നടക്കുന്നത്. കൊവിഡിന്‍റെ പശ്ചാത്തലത്തില്‍ പിപിഇ കിറ്റുകള്‍ ധരിച്ചാണ് പൊലീസ് അമേരിക്കന്‍ എംബസിക്ക് കാവല്‍ നില്‍ക്കുന്നത്.