ന്യൂഡൽഹി:എ.ഐ.എം.ഐ.എം നേതാക്കന്മാരായ അസദുദ്ദീന്‍ ഒവൈസി, അക്‌ബറുദ്ദീൻ ഒവൈസി, വാരിസ് പതാൻ എന്നിവർക്കെതിരെ എഫ്‌.ഐ.ആർ രജിസ്റ്റർ ചെയ്യണമെന്നാവശ്യപ്പെട്ട് ഹിന്ദുസേന സമർപ്പിച്ച ഹർജിയിൽ ഡൽഹി ഹൈക്കോടതി കേന്ദ്രസർക്കാരിന് നോട്ടീസയച്ചു. വിദ്വേഷ പ്രസംഗം നടത്തിയെന്നാരോപിച്ച് ഹിന്ദുസേന സമർപ്പിച്ച ഹർജിയിലാണ് ഡൽഹി ഹൈക്കോടതിയുടെ നോട്ടീസ്.
സാമൂഹിക പ്രവർത്തകനായ ഹർഷ് മന്ദർ, ആർ‌ജെ സയമ, നടി സ്വര ഭാസ്‌കർ, ആം ആദ്‌മി നേതാവ് അമാനത്തുല്ല ഖാൻ എന്നിവർക്കെതിരെ എഫ്‌ഐആർ രജിസ്റ്റർ ചെയ്യണമെന്ന് ആവശ്യപ്പെട്ട് അഭിഭാഷകൻ സഞ്ജീവ് കുമാർ സമർപ്പിച്ച മറ്റൊരു ഹർജിയിലും കേന്ദ്രത്തിന് കോടതി നോട്ടീസ് നൽകി.