പിഡിപി നേതാവിന്‍റെ സുരക്ഷാ ഉദ്യോഗസ്ഥന് വെടിയേറ്റു

പ്രദേശത്ത് തീവ്രവാദികൾക്കായുള്ള തെരച്ചിൽ തുടരുകയാണ്.

ശ്രീനഗർ: പീപ്പിൾസ് ഡെമോക്രാറ്റിക് പാർട്ടി നേതാവിന്‍റെ സുരക്ഷാ ഉദ്യോഗസ്ഥന് വെടിയേറ്റു. പിഡിപി നേതാവ് ഹാജി പർവേയ്സ് അഹമ്മദിന്‍റെ സുരക്ഷാ ഉദ്യോഗസ്ഥനായ കോൺസ്റ്റബിൾ മൻസൂർ അഹ്മദിന് നേരെയാണ് തീവ്രവാദികളുടെ ആക്രമണം നടന്നത്. നാടിപോറ പ്രാന്തപ്രദേശത്ത് വെച്ചായിരുന്നു സംഭവം. പരിക്കേറ്റ ഉദ്യോഗസ്ഥനെ ആശുപത്രിയിൽ പ്രവേശിപ്പിച്ചു. പ്രദേശത്ത് തീവ്രവാദികൾക്കായുള്ള തെരച്ചിൽ തുടരുകയാണെന്ന് പൊലീസ് അറിയിച്ചു.