വാഹനം തോട്ടിലേക്ക് വീണ് പൊലീസ് കോൺസ്റ്റബിൾ മരിച്ചു

ഹിമാചൽ പ്രദേശിലെ ഷിംലയിലാണ് സംഭവം. നിയന്ത്രണം വിട്ട വാഹനം തോട്ടിലേക്ക് തെറിച്ച് വീണാണ് അപകടം

ഷിംല: വാഹനം തോട്ടിലേക്ക് വീണ് പൊലീസ് കോൺസ്റ്റബിൾ മരിച്ചു. ദുർഗാ ദാസ് ആണ് മരിച്ചത്. ഹിമാചൽ പ്രദേശിലെ ഷിംലയിലാണ് സംഭവം. ദുർഗാ ദാസും ഹെഡ് കോൺസ്റ്റബിളും ഡ്യൂട്ടിക്കായി താമസസ്ഥലത്ത് നിന്ന് ജുട്ടോഗ് സ്റ്റേഷനിലേക്ക് പോവുകയായിരുന്നു. നിയന്ത്രണം വിട്ട വാഹനം തോട്ടിലേക്ക് തെറിച്ച് വീണു. നിസാര പരിക്കേറ്റ ഹെഡ് കോൺസ്റ്റബിളിനെയും ഗുരുതര പരിക്കേറ്റ ദുർഗാ ദാസിനെയും ഇന്ദിരാഗാന്ധി മെഡിക്കൽ കോളജ് ആശുപത്രിയിൽ എത്തിച്ചെങ്കിലും ദുർഗാ ദാസിനെ രക്ഷിക്കാനായില്ല.