ന്യൂഡൽഹി: അയോധ്യയിലെ രാമക്ഷേത്ര നിർമ്മാണത്തിന് മുന്നോടിയായുള്ള ഭൂമി പൂജയെ സ്വാഗതം ചെയ്ത് കോൺഗ്രസ് നേതാക്കൾ. ശ്രീരാമനെ പ്രശംസിച്ചാണ് രാഹുൽ ഗാന്ധി, പ്രിയങ്ക ഗാന്ധി, ശശി തരൂർ എംപി തുടങ്ങിയവരുടെ പ്രതികരണം. രാമൻ നീതിയും കാരുണ്യവുമാണ്, അതിനാൽ അനീതിയിൽ പ്രത്യക്ഷപ്പെടില്ല, ക്രൂരത കാണിക്കുകയുമില്ല എന്നായിരുന്നു രാഹുൽ ഗാന്ധിയുടെ ട്വീറ്റ്.
ഭൂമി പൂജ ദേശീയ ഐക്യത്തിനും സാഹോദര്യത്തിനും സാംസ്കാരികമായ ഒത്തുചേരലിനും വഴിവയ്ക്കുമെന്നാണ് പ്രിയങ്ക ഗാന്ധിയുടെ പ്രതികരണം. ശ്രീരാമന്‍ നീതിയുടെയും ന്യായത്തിന്‍റെയും ധാര്‍മ്മിക ധൈര്യത്തിന്‍റെയും പ്രതീകമാണെന്നും, ഈ ഇരുണ്ടകാലത്ത് ഇത്തരം മൂല്യങ്ങൾ വളരെയധികം ആവശ്യമാണെന്നുമാണ് ശശി തരൂർ എംപിയുടെ ട്വീറ്റ്.