ലഖ്‌നൗ: അതിഥി തൊഴിലാളികളെ മടക്കിയെത്തിക്കുന്നതിന് യുപി സര്‍ക്കാരിന് സമര്‍പ്പിച്ച ബസുകളുടെ പട്ടികയില്‍ ഓട്ടോറിക്ഷയുടേയും കാറിന്‍റെയും നമ്പറുകളും ഉള്‍പ്പെട്ടിട്ടുണ്ടെന്ന് ബിജെപി. തികച്ചും നിര്‍ഭാഗ്യകരവും കോണ്‍ഗ്രസിന്‍റെ തട്ടിപ്പാണിതെന്നും ബിജെപി വക്താവ് സിദ്ധാര്‍ഥ നാഥ് സിംഗ്‌ പറഞ്ഞു. പ്രിയങ്ക ഗാന്ധിയും രാഹുല്‍ ഗാന്ധിയും ചെയ്‌ത പ്രവര്‍ത്തിക്ക് കോണ്‍ഗ്രസ് അധ്യക്ഷ സോണിയ ഗാന്ധി വിശദീകരണം നല്‍കണമെന്നും ബിജെപി ആവശ്യപ്പെട്ടു. അതിഥി തൊഴിലാളികളുടെ പേരില്‍ ഇത്തരം വിലകുറഞ്ഞ രാഷ്ട്രീയം കളിക്കരുതെന്നും രാജ്യത്തോട്‌ മാപ്പ് പറയണമെന്നും സിദ്ധാര്‍ഥ നാഥ് പറഞ്ഞു.
കോണ്‍ഗ്രസ് സമര്‍പ്പിച്ച ബസുകളുടെ പട്ടികയില്‍ കാറും ഓട്ടോറിക്ഷയുമെന്ന് ബിജെപി