ന്യൂഡല്‍ഹി: പൗരത്വ ഭേദഗതി നിയമത്തിനെതിരെയുള്ള പ്രതിഷേധത്തീയില്‍ കത്തി തലസ്ഥാനം. ജാമിയ മിലിയ സര്‍വകലാശാലയില്‍ പ്രക്ഷോഭകരും പൊലീസും തമ്മിലുണ്ടായ സംഘര്‍ഷത്തില്‍ പരിക്കേറ്റ മുപ്പത്തഞ്ചോളം പേരെ ആശുപത്രിയില്‍ പ്രവേശിപ്പിച്ചു. ഡല്‍ഹി പൊലീസ് ആസ്ഥാനത്തിന് മുന്നിലും സംഘര്‍ഷമുണ്ടായി. പ്രക്ഷോഭകര്‍ പൊലീസിനെതിരെ മുദ്രാവാക്യങ്ങൾ വിളിച്ചു. നേരത്തെ ജാമിയ സര്‍വകലാശാലക്ക് സമീപത്തും മറ്റുമായി പ്രതിഷേധക്കാര്‍ വാഹനങ്ങൾ അഗ്നിക്കിരയാക്കിയിരുന്നു. എന്നാല്‍ സര്‍വകലാശാല വിദ്യാര്‍ഥികൾ സംഘര്‍ഷത്തില്‍ പങ്കെടുത്തിട്ടില്ലെന്നാണ് സര്‍വകലാശാല അധികൃതരുടെ വാദം.
അശാന്തമായി തലസ്ഥാനം; പ്രക്ഷോഭം ശക്തമാകുന്നു
പൊലീസ് സംഘം സര്‍വകലാശാലയിലേക്ക് അതിക്രമിച്ചുകടക്കുകയായിരുന്നുവെന്ന് വിദ്യാര്‍ഥികൾ
വിദ്യാര്‍ഥികൾക്ക് നേരെ വെടിയുതിര്‍ത്തെന്ന വാര്‍ത്ത അടിസ്ഥാനരഹിതമാണെന്ന് പൊലീസ്
ബലം പ്രയോഗിച്ച് തങ്ങളെ പുറത്താക്കുകയായിരുന്നുവെന്ന് വിദ്യാര്‍ഥികൾ