റായ്പൂര്‍ നടന്ന ഏറ്റുമുട്ടലില്‍ മാവോയിസ്റ്റ് കൊല്ലപ്പെട്ടു
പെന്‍റപാഡ് വില്ലേജിലെ മിലിട്ടിയ കമാൻഡറായ മാഡ്‌വി സുക്കയാണ് കൊല്ലപ്പെട്ടതെന്ന് തിരിച്ചറിഞ്ഞു.
സുരക്ഷസേനയുമായി ഉണ്ടായ വെടിവെയ്‌പിൽ മാവോയിസ്റ്റ് കൊല്ലപ്പെട്ടു
റായ്‌പൂർ: സുരക്ഷാ സേനയും മാവോയിസ്റ്റും തമ്മിലുണ്ടായ വെടിവെയ്‌പിൽ മാവോയിസ്റ്റ് കൊല്ലപ്പെട്ടു. പോളമ്പള്ളി പൊലീസ് സ്റ്റേഷൻ പരിധിയിലുള്ള കാടുകളിലാണ് വെടിവെയ്‌പ് ഉണ്ടായത്. സുരക്ഷാസേനയുടെ പെട്രോളിങിനിടെയാണ് വെടിവെയ്‌പുണ്ടായത്. തുടർന്ന് നടത്തിയ തെരച്ചലിലാണ് മൃതദേഹം കണ്ടെത്തിയത്. തോക്ക്, സ്‌ഫോടകവസ്‌തുക്കൾ, പണം തുടങ്ങിയവ സ്ഥലത്ത് നിന്ന് കണ്ടെടുത്തിട്ടുണ്ട്. പെന്‍റപാഡ് വില്ലേജിലെ മിലിട്ടിയ കമാൻഡറായ മാഡ്‌വി സുക്കയാണ് കൊല്ലപ്പെട്ട മാവോയിസ്റ്റെന്ന് തിരിച്ചറിഞ്ഞിട്ടുണ്ട്.