കൊറേഗാവ്-ഭീമ കേസ് എന്‍ഐഎക്ക് വിട്ടു

കേന്ദ്ര ആഭ്യന്തര മന്ത്രാലയവും എൻ‌ഐ‌എയും ഇക്കാര്യത്തില്‍ മൗനം പാലിക്കുകയാണ്. മാധ്യമപ്രവരുടെ ചോദ്യങ്ങളോട് ഇരുവിഭാഗവും ഇതുവരെ പ്രതികരിച്ചിട്ടില്ല.

മുംബൈ:കൊറേഗാവ്-ഭീമ സംഘര്‍ഷ കേസ് ദേശീയ അന്വേഷണ ഏജൻസിക്ക് കേന്ദ്രം കൈമാറി. മഹാരാഷ്ട്ര സംസ്ഥാന സര്‍ക്കാരിന്‍റെ അനുമതിയില്ലാതെ കേസ് എന്‍ഐഎക്ക് വിടാനുള്ള തീരുമാനത്തെ ശക്തമായി അപലപിക്കുന്നുവെന്ന് ആഭ്യന്തരമന്ത്രി അനില്‍ ദേശ്‌മുഖ് ട്വീറ്റ് ചെയ്തു.

കേന്ദ്ര ആഭ്യന്തര മന്ത്രാലയവും എൻ‌ഐ‌എയും ഇക്കാര്യത്തില്‍ മൗനം പാലിക്കുകയാണ്. മാധ്യമപ്രവരുടെ ചോദ്യങ്ങളോട് ഇരുവിഭാഗവും ഇതുവരെ പ്രതികരിച്ചിട്ടില്ല.

കേസില്‍ മഹാരാഷ്ട്ര സര്‍ക്കാര്‍ പുനരന്വേഷണത്തിന് നീക്കം നടത്തിയ സാഹചര്യത്തിലാണ് കേസ് എന്‍ഐഎ ഏറ്റെടുക്കുന്നത്.

2018 ജനുവരി ഒന്നിന് ഭീമ-കൊറേഗാവിലുണ്ടായ ജാതീയ സംഘര്‍ഷത്തില്‍ പങ്കുണ്ടെന്ന് ആരോപിച്ച് നിരവധി ദലിത് ആക്ടിവിസ്റ്റുകളെയും അക്കാദമിസ്റ്റുകളെയും പൂനെ പൊലീസ് കേസിലുള്‍പ്പെടുത്തുകയായിരുന്നു.