ബംഗളൂരുവിൽ വന്‍ കഞ്ചാവ് വേട്ട; 90 കിലോ കഞ്ചാവുമായി മൂന്ന് പേര്‍ പിടിയില്‍ - 90 കിലോ കഞ്ചാവുമായി മൂന്ന് പേര്‍ ക്രൈംബ്രാഞ്ചിന്‍റെ കസ്റ്റഡിയില്‍
ലഹരിമരുന്ന് റാക്കറ്റ് കേസ് അന്വേഷിക്കുന്നതിനിടെ കേന്ദ്ര ക്രൈംബ്രാഞ്ച് ഉദ്യോഗസ്ഥര്‍ വ്യാഴാഴ്ച മൂന്ന് പേരെ അറസ്റ്റ് ചെയ്തു. ഏകദേശം 50 ലക്ഷം രൂപ വിലമതിക്കുന്ന 90 കിലോ കഞ്ചാവ് ഇവരില്‍ നിന്നും പിടിച്ചെടുത്തു
ബംഗളൂരു: ലഹരിമരുന്ന് റാക്കറ്റ് കേസ് അന്വേഷിക്കുന്നതിനിടെ കേന്ദ്ര ക്രൈംബ്രാഞ്ച് ഉദ്യോഗസ്ഥര്‍ വ്യാഴാഴ്ച മൂന്ന് പേരെ അറസ്റ്റ് ചെയ്തു. ഏകദേശം 50 ലക്ഷം രൂപ വിലമതിക്കുന്ന 90 കിലോ കഞ്ചാവ് ഇവരില്‍ നിന്നും പിടിച്ചെടുത്തു. അസം പാഷ, മസ്താൻ, മുഹമ്മദ് അബ്ബാസ് എന്നിവരാണ് അറസ്റ്റിലായവര്‍. വിശാഖപട്ടണത്ത് നിന്ന് കഞ്ചാവ് വാങ്ങി കടുഗോടിയിലെ അപ്പാർട്ട്മെന്‍റില്‍ വിൽക്കുകയായിരുന്നു. ഇതിനിടെയാണ് വിവരം അറിഞ്ഞ് ക്രൈംബ്രാഞ്ച് ഉദ്യോഗസ്ഥര്‍ അപ്പാര്‍ട്ട്മെന്‍റില്‍ റെയ്ഡ് നടത്തിയത്. തുടര്‍ന്നാണ് കഞ്ചാവ് പിടിച്ചെടുത്തതും മൂന്ന് പേരെ അറസ്റ്റ് ചെയ്തതും. ഇവരുടെ കൂട്ടാളിയായ ഹാപ്പു ഒളിവിൽ പോയതായും ഇയാളെ പിടികൂടാനായി തിരച്ചിൽ ആരംഭിച്ചതായും ഉദ്യോഗസ്ഥര്‍ അറിയിച്ചു. പണം സമ്പാദിക്കാനും ആഡംബര ജീവിതം നയിക്കാനും മയക്കുമരുന്ന് വ്യാപാരത്തിൽ ഏർപ്പെട്ടിട്ടുണ്ടെന്ന് ചോദ്യം ചെയ്യലിൽ പ്രതികള്‍ വെളിപ്പെടുത്തിയതായി ഉദ്യോഗസ്ഥര്‍ പറഞ്ഞു.