ടാക്‌സ് ഓഡിറ്റ് സമർപ്പിക്കുന്നതിനുള്ള തിയ്യതി നവംബർ 30 വരെ നീട്ടി

ജമ്മു കശ്‌മീർ, ലഡാക്ക് എന്നീ കേന്ദ്ര ഭരണപ്രദേശങ്ങളിലെ ടാക്‌സ് ഓഡിറ്റ് സമർപ്പിക്കുന്നതിനുള്ള തിയ്യതി സിബിഡിടി നവംബർ 30 വരെ നീട്ടി.

ന്യൂഡൽഹി: ലഡാക്ക്, ജമ്മു കശ്‌മീർ എന്നീ കേന്ദ്ര ഭരണപ്രദേശങ്ങളില്‍ ടാക്‌സ് ഓഡിറ്റ് സമർപ്പിക്കുന്നതിനുള്ള തിയ്യതി 2019 നവംബർ 30 വരെ നീട്ടിയതായി കേന്ദ്ര പ്രത്യക്ഷ നികുതി ബോർഡ് (സിബിഡിടി)അറിയിച്ചു . ജമ്മു കശ്‌മീരിന്‍റെ ചില മേഖലകളിൽ ഇന്‍റർനെറ്റ് സേവനങ്ങളുടെ അപാകത മൂലമാണ് തിയ്യതി 2019 നവംബർ 30 വരെ നീട്ടിയത്. ചില നികുതിദായകർക്ക് നികുതി റിട്ടേൺ സമർപിക്കുന്നതിനുള്ള കാലാവധി ഒക്‌ടോബർ 31ന് അവസാനിച്ചിരുന്നു. ഓഗസ്റ്റ് 5 നാണ് കേന്ദ്രസർക്കാർ ഭരണഘടനയിലെ ആർട്ടിക്കിൾ 370 റദ്ദാക്കി സംസ്ഥാനത്തെ രണ്ട് കേന്ദ്രഭരണ പ്രദേശങ്ങളായി വിഭജിക്കാൻ തീരുമാനിച്ചത്. സുരക്ഷ ക്രമീകരണങ്ങളുടെ ഭാഗമായി ജമ്മു കശ്‌മീരിൽ മൊബൈൽ, ഇന്‍റർനെറ്റ് സേവനങ്ങൾ നിർത്തിവച്ചിരിക്കുകയാണ്.