ജയ്‌പൂര്‍: രാജസ്ഥാനില്‍ പശുക്കടത്ത് ആരോപിച്ചുള്ള ആള്‍ക്കൂട്ട മര്‍ദനത്തിനിരയായി കൊല്ലപ്പെട്ട പെഹ്‌ലു ഖാനെതിരെ രജിസ്റ്റര് ചെയ്‌ത കേസുകള്‍ കഴിഞ്ഞ ബിജെപി സര്‍ക്കാര്‍ കെട്ടിച്ചമച്ചതാണെന്ന് മുഖ്യമന്ത്രി അശോക് ഗെലോട്ട് . പെഹ്‌ലു ഖാന്‍റെ കൊലപാതത്തിന് പിന്നിലെ യഥാര്‍ഥ പ്രതികളെ സംരക്ഷിക്കാന്‍ നടക്കുന്ന ഗൂഡാലോചനയുടെ ഭാഗമാണിതെന്നും ഗെലോട്ട് ആരോപണം ഉന്നയിച്ചു. പെഹ്‌ലു ഖാന്‍ അനധികൃതമായി പശു കടത്തല്‍ നടത്തിയെന്ന് ചൂണ്ടിക്കാട്ടി രജിസ്റ്റര് ചെയ്‌ത കേസ് കൃത്യമായ തെളിലുകളില്ലെന്ന കാരണത്താല്‍ രാജസ്ഥാന്‍ ഹൈക്കോടതി തള്ളിയതിന് പിന്നാലെയാണ് ഗെലോട്ടിന്‍റെ പ്രസ്‌താവന.
പെഹ്‌ലു ഖാനെതിരെയുള്ള കേസുകള്‍ ബിജെപി കെട്ടിച്ചമച്ചതെന്ന് അശോക് ഗെലോട്ട്