നിർഭയ കേസ് പ്രതികളുടെ മൃതദേഹങ്ങൾ പോസ്റ്റ്‌മോർട്ടത്തിനായി എത്തിച്ചു

പരിചയസമ്പന്നരായ ആരാചാർമാർക്ക് രാജ്യത്ത് ക്ഷാമമുണ്ടെന്ന് നിരീക്ഷിച്ച് 2014 ജനുവരിയിൽ ഷത്രുഗൻ ചൗഹാൻ കേസിൽ സുപ്രീംകോടതിയുടെ ഉത്തരവ് അനുസരിച്ചാണ് പോസ്റ്റുമോർട്ടം നടത്തുന്നത്.

ന്യൂഡൽഹി:നിർഭയ കേസിൽ തൂക്കിലേറ്റിയ പ്രതികളുടെ മൃതദേഹങ്ങൾ പോസ്റ്റ്‌മോർട്ടത്തിനായി ആശുപത്രിയിലേക്ക് അയച്ചു. ഇന്ന് പുലർച്ചെ അഞ്ചരയോടെ തൂക്കിലേറ്റിയ ശേഷം മൃതദേഹങ്ങൾ തിഹാർ ജയിലിൽ നിന്ന് രാവിലെ 08: 20നാണ് പോസ്റ്റ്‌മോർട്ടത്തിനായി ദീൻ ദയാൽ ഉപാധ്യായ ആശുപത്രിയിലേക്ക് കൊണ്ടുപോയത്.

പോസ്റ്റ്‌മോർട്ടത്തിന് ശേഷം മൃതദേഹങ്ങൾ കുടുംബങ്ങൾക്ക് കൈമാറുമെന്ന് തിഹാർ ജയിൽ ഡയറക്ടർ ജനറൽ സന്ദീപ് ഗോയൽ പറഞ്ഞു. അതേസമയം, വധശിക്ഷയ്ക്ക് വിധിക്കപ്പെട്ട വ്യക്തിയുടെ ശവസംസ്കാരമോ മറ്റ് ബന്ധപ്പെട്ട ചടങ്ങുകളോ പരസ്യമായി നടത്തില്ലെന്ന് കുടുംബങ്ങൾക്ക് രേഖാമൂലം ഉറപ്പ് നൽകണം. മൃതദേഹം പുറത്തെടുക്കുന്നതിനുള്ള ക്രമീകരണങ്ങൾക്കായി സൂപ്രണ്ട് ജില്ലാ മജിസ്‌ട്രേറ്റ്, ഡെപ്യൂട്ടി പോലീസ് കമ്മിഷണർ എന്നിവരുമായി കൂടിയാലോചിക്കും.

പരിചയസമ്പന്നരായ ആരാചാർമാർക്ക് രാജ്യത്ത് ക്ഷാമമുണ്ടെന്ന് നിരീക്ഷിച്ച് 2014 ജനുവരിയിൽ ഷത്രുഗൻ ചൗഹാൻ കേസിൽ സുപ്രീംകോടതിയുടെ ഉത്തരവ് അനുസരിച്ചാണ് പോസ്റ്റുമോർട്ടം നടത്തുന്നത്. പോസ്റ്റമോർട്ടത്തിലൂടെ മരണം സംഭവിച്ചത് ഇത് സെർവിക്കൽ കശേരുവിന്‍റെ സ്ഥാനചലനം മൂലമാണോ അതോ കഴുത്തു ഞെരിച്ച് കൊല്ലപ്പെട്ടതാണോ എന്ന് വെളിപ്പെടും.

2012 നിർഭയ കൂട്ടബലാത്സംഗ കേസിലെ പ്രതികളായ അക്ഷയ് സിങ് താക്കൂർ, പവൻ ഗുപ്ത, വിനയ് ശർമ്മ, മുകേഷ് സിങ് എന്നിവരെ ഇന്ന് പുലർച്ചെ അഞ്ചരയോടെ തൂക്കിലേറ്റിയത്.