ന്യൂഡൽഹി:ഭരണഘടനയുടെ ഘാതകരായി മോദി സർക്കാർ മാറിയെന്ന്‌ എഎം ആരിഫ് ലോക്‌സഭയിൽ പറഞ്ഞു. രാഷ്ട്രപതിയുടെ നയപ്രഖ്യാപനത്തിനുള്ള നന്ദിപ്രമേയത്തെ എതിർത്ത്‌ സംസാരിക്കുകയായിരുന്നു അദ്ദേഹം. പൗരത്വ ഭേദഗതി നിയമം നടപ്പാക്കിയ സർക്കാർ ഗാന്ധിജിയുടെ ആശയങ്ങളെയാണ്‌ കൊലപ്പെടുത്തിയത്. ഹിന്ദു-മുസ്ലിം ഐക്യത്തിനുവേണ്ടി നിലകൊണ്ട ഗാന്ധിജി റാമിനും റഹിമിനും വേണ്ടിയുള്ളതാണ്‌ ഇന്ത്യയെന്ന്‌ പറഞ്ഞു. ഒരു വിഭാഗത്തിനുവേണ്ടി മാത്രമുള്ളതാണ്‌ ഈ രാജ്യമെന്ന്‌ കേന്ദ്രം പറയുന്നു. പ്രക്ഷോഭകരെ വെടിവച്ചുകൊല്ലണമെന്ന്‌ കേന്ദ്രമന്ത്രി അനുരാഗ്‌ താക്കൂർ ആഹ്വാനം ചെയ്‌തതുവഴി ഗോഡ്‌സെയുടെ തോക്ക്‌ ഉപേക്ഷിക്കില്ലെന്ന്‌ ബിജെപി പ്രഖ്യാപിച്ചിരിക്കുകയാണ്.
ഗോഡ്‌സെയുടെ തോക്ക്‌ ബിജെപി ഉപേക്ഷിക്കുന്നില്ല: അഡ്വ. എ എം ആരിഫ് എംപി