കേരളമടക്കമുള്ള സംസ്ഥാനങ്ങളിലെ ബിജെപിയുടെ ആദ്യ സ്ഥാനാര്‍ഥി പട്ടിക ഇന്ന് പുറത്തുവിട്ടേക്കും. ഡല്‍ഹിയില്‍ കേന്ദ്ര തെരഞ്ഞെടുപ്പ് കമ്മറ്റി യോഗത്തില്‍ ആദ്യ മൂന്ന് ഘട്ടത്തില്‍ വോട്ടെടുപ്പ് നടക്കുന്ന സംസ്ഥാനങ്ങളിലെ സ്ഥാനാര്‍ഥികളെയാണ് നിശ്ചയിക്കുക. പ്രധാനമന്ത്രി നരേന്ദ്രമോദി, ബിജെപി അധ്യക്ഷന്‍ അമിത് ഷാ തുടങ്ങിയ നേതാക്കള്‍ യോഗത്തില്‍ പങ്കെടുക്കും.
ആദ്യ ഘട്ടത്തില്‍ വോട്ടെടുപ്പ് നടക്കുന്ന തെലങ്കാന, ആന്ധ്രാ പ്രദേശ് സംസ്ഥാനങ്ങളിലെ എല്ലാ സീറ്റുകളിലേക്കും ഉത്തര്‍പ്രദേശ്, മഹാരാഷ്‌ട്ര, പശ്ചിമബംഗാള്‍, ഒഡീഷ, ആസാം സംസ്ഥാനങ്ങളിലെ ചില സീറ്റുകളിലെയും സ്ഥാനാര്‍ത്ഥികളെ പ്രഖ്യാപിച്ചേക്കും. കേന്ദ്ര തെരഞ്ഞെടുപ്പ് സമിതിയുടെ ആദ്യ യോഗമാണ് ഇന്ന് ഡൽഹിയിൽ ചേരുന്നത്. ബിജെപി സംസ്ഥാന അധ്യക്ഷൻ പി എസ് ശ്രീധരൻ പിളള ചർച്ചയിൽ പങ്കെടുക്കും.