പൗരത്വ ഭേദഗതി പ്രതിഷേധം; ബിനോയ് വിശ്വം കസ്റ്റഡിയിൽ

കര്‍ഫ്യൂ ലംഘിച്ച് നഗരത്തിൽ പ്രതിഷേധിച്ചതിനാണ് ബിനോയ് വിശ്വത്തെ കസ്റ്റഡിയിലെടുത്തത്

മംഗളൂരു:പൗരത്വ ഭേദഗതിയിൽ രാജ്യത്ത് പ്രതിഷേധം തുടരുന്നു. മംഗളൂരുവിൽ സിപിഐ നേതാവ് ബിനോയ്‌ വിശ്വം എംപിയെ പൊലീസ് കസ്റ്റഡിയിൽ എടുത്തു. കര്‍ഫ്യൂ ലംഘിച്ച് നഗരത്തിൽ പ്രതിഷേധിച്ചതിനാണ് പൊലീസ് നടപടി. ബിനോയ്‌ക്കൊപ്പം എട്ട് സിപിഐ നേതാക്കളും ബർക്കേ പൊലീസ് സ്റ്റേഷനിൽ കസ്റ്റഡിയിലാണ്.

പ്രതിഷേധങ്ങൾ ശക്തമായി തുടരുന്ന മംഗളൂരു നഗരത്തിൽ കർശന സുരക്ഷയാണ് പൊലീസ് ഒരുക്കിയിരിക്കുന്നത്. നഗരത്തിൽ കർഫ്യൂ തുടരുന്നു. കർണാടക - കേരള അതിർത്തിയായ തലപ്പാടിയിൽ കേരളത്തിൽ നിന്നുള്ള വാഹനങ്ങളെ കർശന പരിശോധനയ്ക്ക് ശേഷമാണ് കടത്തിവിടുന്നത്. സ്ഥിതിഗതികൾ വിലയിരുത്തുന്നതിനായി കർണാടക മുഖ്യമന്ത്രി യെദ്യൂരപ്പ ഇന്ന് മംഗ്ലൂരുവിലെത്തും.