ഗംഗയിൽ കുളിക്കാനിറങ്ങിയ യുവാവിനെ കാണാതായി

മൂന്ന് പേര്‍ വെള്ളത്തിൽ ഒഴുകി പോയെങ്കിലും സമീപത്തെ വയലുകളിൽ ജോലി ചെയ്യുന്ന ആളുകൾ രണ്ട് പേരെ രക്ഷപ്പെടുത്തുകയായിരുന്നു.

ലഖ്‌നൗ:ഗംഗയിൽ കുളിക്കുന്നതിനിടെ യുവാവിനെ കാണാതായി. ഉത്തർപ്രദേശിലെ കോട്‌വാലി പൊലീസ് സ്റ്റേഷന് കീഴിലുള്ള ഗംഗാ ജലാൽപൂർ ഘട്ടിലാണ് സംഭവം. മൂന്ന് പേര്‍ ചേര്‍ന്നാണ് ജലാൽപൂർ ഘട്ടിൽ കുളിക്കാൻ പോയത്. മൂന്ന് പേരും വെള്ളത്തിൽ ഒഴുകി പോയെങ്കിലും സമീപത്തെ വയലുകളിൽ ജോലി ചെയ്യുന്ന ആളുകൾ രണ്ട് പേരെ രക്ഷപ്പെടുത്തുകയായിരുന്നു.

കാണാതായ യുവാവിനായി പ്രാദേശിക നീന്തൽക്കാരുടെ സഹായത്തോടെ പൊലീസ് തെരച്ചിൽ നടത്തുകയാണ്.