ബിഹാർ തെരഞ്ഞെടുപ്പ്: ഒക്ടോബർ 28ന് രാഹുൽ ഗാന്ധി ജനങ്ങളെ അഭിസംബോധന ചെയ്യും

ഒക്ടോബർ 28, നവംബർ 3, നവംബർ 7 തീയതികളിൽ മൂന്ന് ഘട്ടങ്ങളായിട്ടാണ് ബിഹാർ നിയമസഭാ തെരഞ്ഞെടുപ്പ് നടക്കുന്നത്.

പട്‌ന: ബിഹാർ തെരഞ്ഞെടുപ്പിന്‍റെ ഭാഗമായി കോൺഗ്രസ് നേതാവ് രാഹുൽ ഗാന്ധി ഒക്ടോബർ 28 ന് ജനങ്ങളെ അഭിസംബോധന ചെയ്യും. വാൽമീകിനഗറിലും കുശേശ്വർ അസ്താനിലും നടക്കുന്ന രണ്ട് റാലികളിലാണ് രാഹുൽ ഗാന്ധി ജനങ്ങളെ അഭിസംബോധന ചെയ്യുന്നത്. ഒക്ടോബർ 28, നവംബർ 3, നവംബർ 7 തീയതികളിൽ മൂന്ന് ഘട്ടങ്ങളായിട്ടാണ് ബിഹാർ നിയമസഭാ തെരഞ്ഞെടുപ്പ് നടക്കുന്നത്. നവംബർ 10 ന് വോട്ടെണ്ണൽ നടക്കും. ജനതാദളി(യുണൈറ്റഡ്)നും മറ്റ് രണ്ട് സഖ്യകക്ഷികൾക്കുമൊപ്പം ബിജെപി തെരഞ്ഞെടുപ്പിൽ പോരാടുമ്പോൾ രാഷ്ട്രീയ ജനതാദളിന്‍റെ നേതൃത്വത്തിലുള്ള മഹാഗത്ബന്ധന്‍റെ മഹാസഖ്യത്തിനും ഇടതുപാർട്ടികൾക്കുമൊപ്പമാണ് കോൺഗ്രസ് തിരഞ്ഞെടുപ്പിനെ നേരിടുന്നത്.