അസമിൽ വെള്ളപൊക്കം രൂക്ഷം; ഇതുവരെ മരിച്ചത് 104 പേർ

21 ജില്ലകളെ വെള്ളപ്പൊക്കം ബാധിച്ചിട്ടുണ്ട്. 60 റവന്യൂ സർക്കിളുകളിൽ 1,771 ഗ്രാമങ്ങളിൽ ബ്രഹ്മപുത്രയും അതിന്‍റെ പോഷകനദികളും കവിഞ്ഞൊഴുകുന്നു

ഗുവാഹത്തി: അസമിൽ വെള്ളപ്പൊക്കം രൂക്ഷമായി തുടരുന്നു. ഇതുവരെ 104 പേർക്ക് ജീവൻ നഷ്ടപ്പെട്ടു. ഏറ്റവും പുതിയ വിവരമനുസരിച്ച് 21 ജില്ലകളെ വെള്ളപ്പൊക്കം ബാധിച്ചിട്ടുണ്ട്. 60 റവന്യൂ സർക്കിളുകളിൽ 1,771 ഗ്രാമങ്ങളിൽ ബ്രഹ്മപുത്രയും അതിന്‍റെ പോഷകനദികളും കവിഞ്ഞൊഴുകുന്നു.

19,81,801 പേരെ വെള്ളപ്പൊക്കം ബാധിച്ചിട്ടുണ്ട്. ബ്രഹ്മപുത്രയും മറ്റ് നദികളും സംസ്ഥാനത്തിന്‍റെ വിവിധ ഭാഗങ്ങളിൽ അപകടനിരപ്പിന് മുകളിലൂടെയാണ് ഒഴുകുന്നത്.