ജമ്മു കശ്മീരില്‍ വീണ്ടും പാക് പ്രകോപനം; ഒരു സൈനികൻ കൊല്ലപ്പെട്ടു

രാവിലെ 11.30ഓടെയാണ് ഉറിയിലെ ഹാജിപീർ പ്രദേശത്ത് പാകിസ്ഥാൻ സൈന്യം വെടിവെയ്പ്പ് നടത്തിയതെന്ന് സൈനിക വൃത്തങ്ങൾ അറിയിച്ചു

ശ്രീനഗർ: ജമ്മു കശ്മീരില്‍ വീണ്ടും പാകിസ്ഥാൻ വെടിനിർത്തല്‍ കരാർ ലംഘിച്ചു. ഉറി സെക്‌ടറില്‍ നടന്ന വെടിവെയ്പ്പില്‍ ഒരു ജൂനിയർ സൈനികനും പ്രദേശവാസിയായ യുവതിയും കൊല്ലപ്പെട്ടു. സൈനികൻ ബ്രിജേഷ് കരാത്തെയാണ് കൊല്ലപ്പെട്ടത്.
രാവിലെ 11.30ഓടെയാണ് ഉറിയിലെ ഹാജിപീർ പ്രദേശത്ത് പാകിസ്ഥാൻ സൈന്യം വെടിവെയ്പ്പ് നടത്തിയതെന്ന് സൈനിക വൃത്തങ്ങൾ അറിയിച്ചു. പാകിസ്ഥാൻ നടത്തിയ ഷെല്ലാക്രമണത്തില്‍ രണ്ട് പ്രദേശവാസികൾക്കും പരിക്കേറ്റു. ഇന്ത്യൻ സൈന്യവും തിരിച്ചടിച്ചു. ഇതിന് പിന്നാലെ രാംപൂർ സെക്ടറിലും പാകിസ്ഥാൻ വെടിനിർത്തല്‍ കരാർ ലംഘിച്ചെന്നും സൈനിക വൃത്തങ്ങൾ പറഞ്ഞു.