ഹൈദരാബാദ്:അനധികൃത സ്വത്ത് സമ്പാദന കേസില്‍ ആന്ധ്ര മുഖ്യമന്ത്രി വൈ.എസ് ജഗൻ മോഹൻ റെഡ്ഡി പ്രത്യേക സിബിഐ കോടതിയിൽ ഹാജരായി. 2019 മെയ് 30ന് മുഖ്യമന്ത്രിയായശേഷം ആദ്യമായാണ് ജഗൻ മോഹൻ റെഡ്ഡി കോടതിയില്‍ ഹാജരാവുന്നത്. ജനുവരി 10ന് കോടതിയില്‍ നേരിട്ട് ഹാജരാകണമെന്ന് ജഗന്‍ മോഹന്‍ റെഡ്ഡിക്ക് കോടതി നോട്ടീസ് അയച്ചിരുന്നു. മുഖ്യമന്ത്രിക്കൊപ്പം അദ്ദേഹത്തിന്‍റെ അടുത്ത സഹായിയും വൈ.എസ്.ആർ കോൺഗ്രസ് രാജ്യസഭാ അംഗവുമായ വി.വിജയ് സായി റെഡ്ഡി എംപിക്കും കോടതി നോട്ടീസ് അയച്ചിരുന്നു. മുഖ്യമന്ത്രി കോടതിയില്‍ ഹാജരാവുന്നത് കണക്കിലെടുത്ത് കോടതിയുടെ പരിസരത്ത് കനത്ത സുരക്ഷ ഏര്‍പ്പെടുത്തിയിരുന്നു.
ആന്ധ്ര മുഖ്യമന്ത്രി സിബിഐ കോടതിയിൽ ഹാജരായി