പൗരത്വ ഭേദഗതി നിയമത്തിനെതിരെ ജാഫ്രാബാദില്‍ പ്രകടനം തുടരുന്നു

ആയിരത്തിലധികം സ്ത്രീകളാണ് മെട്രോ സ്റ്റേഷനിൽ ഒത്തുകൂടിയിരിക്കുന്നത്.

ന്യൂഡൽഹി: പൗരത്വ ഭേദഗതി നിയമത്തിനെതിരെ ജാഫ്രാബാദ് മെട്രോ സ്റ്റേഷനില്‍ ആരംഭിച്ച പ്രതിഷേധം തുടരുന്നു. നിരവധി ഭീം ആർമി പ്രവർത്തകരും പ്രക്ഷോഭത്തിൽ പങ്കുചേർന്നു. ആയിരത്തിലധികം സ്ത്രീകളാണ് മെട്രോ സ്റ്റേഷനിൽ ഒത്തുകൂടിയിരിക്കുന്നത്. സ്റ്റേഷന് സമീപം സീലാംപൂറിനെയും മജ്പൂരിനെയും യമുന വിഹാറിനെയും ബന്ധിപ്പിക്കുന്ന റോഡിലാണ് പ്രതിഷേധക്കാര്‍ ധര്‍ണ നടത്തുന്നത്.

പ്രതിഷേധത്തെ തുടര്‍ന്ന് ജാഫ്രാബാദ് മെട്രോ സ്റ്റേഷന്‍റെ എക്സിറ്റ്, എൻട്രി ഗേറ്റുകൾ അടച്ചിരുന്നു. പ്രക്ഷോഭ സ്ഥലത്ത് കനത്ത സുരക്ഷ ഏർപ്പെടുത്തിയിട്ടുണ്ട്. ഇതിനിടെ മജ്പൂർ പ്രദേശത്ത് രണ്ട് ഗ്രൂപ്പുകൾക്കിടയിൽ കല്ലേറ് നടന്നിരുന്നു. തുടർന്ന് ഈ പ്രദേശത്തും വൻ പൊലീസ് സുരക്ഷ ഏർപ്പെടുത്തി.