ഡോക്ടര്‍ ബി.ആർ അംബേദ്ക്കറുടെ വീടിന് നേരെ ആക്രമണം

ആക്രമണത്തിന് പിന്നിൽ സാമൂഹ്യ വിരുദ്ധരെന്ന് പൊലീസ്

മുംബൈ: ഡോക്ടര്‍ ബി.ആർ അംബേദ്ക്കറുടെ വീടിന് നേരെ ആക്രമണം. മുംബൈയിലെ 'രാജ്‌ഗൃഹ'ത്തിന് നേരെയാണ് ആക്രമണം നടന്നത്. വീടിന് മുന്നിലെ ചെടിച്ചട്ടികൾ തകർത്തു. സിസിടിവി ക്യാമറകള്‍ നശിപ്പിക്കാനും ശ്രമിച്ചു.

ആക്രമണത്തിന് പിന്നിൽ സാമൂഹ്യ വിരുദ്ധരെന്ന് പൊലീസ് അറിയിച്ചു. സംഭവത്തെ അപലപിച്ച മഹാരാഷ്ട്ര ആഭ്യന്തരമന്ത്രി അനിൽ ദേശ്‌മുഖ് കുറ്റവാളികൾക്കെതിരെ കർശന നടപടിയെടുക്കുമെന്ന് ഉറപ്പ് നൽകി. സംഭവത്തില്‍ പൊലീസ് അന്വേഷണം ആരംഭിച്ചു.