വീടുകളിൽ ജുമാ നമസ്‌കാരം ചെയ്യണമെന്ന് മുസ്ലിം പേഴ്‌സണൽ ലോ ബോർഡ്

കൊവിഡ് തടയുന്നതിനായുള്ള നടപടിയായാണ് ജുമാ നമസ്‌കാരം വീടുകളിലാക്കണമെന്ന് അഖിലേന്ത്യാ മുസ്ലിം പേഴ്‌സണൽ ലോ ബോർഡ് വിശ്വാസികളോട് ആവശ്യപ്പെട്ടത്.

ന്യൂഡൽഹി: എല്ലാ മുസ്ലീം വിശ്വാസികളും പള്ളികൾക്ക് പകരം വീടുകളിൽ ജുമാ നമസ്‌കാരം ചെയ്യണമെന്ന് ആവശ്യപ്പെട്ട് അഖിലേന്ത്യാ മുസ്ലിം പേഴ്‌സണൽ ലോ ബോർഡ്.

കൊവിഡ് വ്യാപനം തടയുന്നതിന്‍റെ ഭാഗമായാണ് തീരുമാനമെന്ന് എഐഎംപിഎൽബി ട്വിറ്റർ അക്കൗണ്ടിലൂടെ അറിയിച്ചു. അതേ സമയം റൈറ്റ് ഓഫ് മസ്‌ജിദ് പ്രകാരം നാല് പേർ പള്ളികളിൽ തുടരണമെന്നും എഐഎംപിഎൽബി ട്വിറ്ററിൽ കുറിച്ചു.