അഗസ്റ്റ വെസ്റ്റ്ലാൻഡ് കേസില്‍ മാപ്പുസാക്ഷിയായി മാറിയ രാജീവ് സക്സേന പട്യാല അഡീഷണല്‍ ചീഫ് മെട്രോപൊളിറ്റൻ കോടതിയില്‍ മൊഴി നല്‍കും. ഫെബ്രുവരി 27നാണ് തന്നെ മാപ്പുസാക്ഷിയാക്കണമെന്ന് ആവശ്യപ്പെട്ട് സക്സേന പട്യാല കോടതിയെ സമീപിച്ചത്. ഹര്‍ജിയെ തുടര്‍ന്ന് മാര്‍ച്ച് രണ്ടിന് ഇയാളുടെ മൊഴിയെടുക്കണമെന്ന് കോടതി അറിയിച്ചു.
ആരുടെയും സമ്മര്‍ദ്ദത്തിന് വഴങ്ങിയല്ല തീരുമാനമെന്നും കേസിനെ കുറിച്ച് വ്യക്തമായ ധാരണയുണ്ടെന്നും സക്സേന കോടതിയില്‍ സമര്‍പ്പിച്ച അപേക്ഷയില്‍ പറയുന്നു. തന്നെ മാപ്പുസാക്ഷിയാക്കണമെന്നും കേസുമായി ബന്ധപ്പെട്ട് തനിക്കറിയാവുന്ന കാര്യങ്ങളെല്ലാം തുറന്നുസമ്മതിക്കാമെന്നും സക്സേന കോടതിയെ ധരിപ്പിച്ചിരുന്നു.