പൗരത്വ ഭേദഗതി നിയമം; നിയമസഭയിൽ പ്രമേയം കൊണ്ടുവരുമെന്ന് രാജസ്ഥാൻ

രാജ്യവ്യാപകമായി പ്രതിഷേധത്തിന് കാരണമായ വിവാദ നിയമത്തിനെതിരെ പ്രമേയം പാസാക്കുന്ന മൂന്നാമത്തെ സംസ്ഥാനമാണ് രാജസ്ഥാൻ

ജയ്പൂർ: പൗരത്വ ഭേദഗതി നിയമത്തിനെതിരെ നിയമസഭയിൽ പ്രമേയം കൊണ്ടുവരുമെന്ന് രാജസ്ഥാൻ ഉപമുഖ്യമന്ത്രി സച്ചിൻ പൈലറ്റ്. കേരളത്തിന്‍റെയും പഞ്ചാബിന്‍റെയും മാതൃക പിന്തുടർന്നാണ് രാജസ്ഥാൻ സർക്കാരിന്‍റെ നീക്കം. വിയോജിപ്പ് പ്രകടിപ്പിക്കാൻ എല്ലാവർക്കും അവകാശമുണ്ടെന്നും പൗരത്വ ഭേദഗതി നിയമത്തിനെതിരെ സംസ്ഥാന നിയമസഭയിൽ പ്രമേയം കൊണ്ടുവരുമെന്നും സച്ചിൻ പൈലറ്റ് മാധ്യമപ്രവർത്തകരോട് പറഞ്ഞു. ഇതോടെ രാജ്യവ്യാപകമായി പ്രതിഷേധത്തിന് കാരണമായ വിവാദ നിയമത്തിനെതിരെ പ്രമേയം പാസാക്കുന്ന മൂന്നാമത്തെ സംസ്ഥാനമായി രാജസ്ഥാൻ മാറും.