അഫ്‌ഗാനിസ്ഥാന് നേരെ താലിബാന്‍ ആക്രമണം; എട്ട് പൊലീസ് ഉദ്യോഗസ്ഥര്‍ കൊല്ലപ്പെട്ടു
ആക്രമണത്തില്‍ എട്ട് പൊലീസ് ഉദ്യോഗസ്ഥര്‍ കൊല്ലപ്പെടുകയും മൂന്ന് പേര്‍ക്ക് പരിക്കേല്‍ക്കുകയും ചെയ്‌തു
താലിബാന്‍ ആക്രമണം
കാബൂള്‍: അഫ്‌ഗാന്‍ പ്രവശ്യയായ ബാല്‍കില്‍ പൊലീസ് ചെക്ക്പോസ്റ്റിന് നേരെ താലിബാന്‍ തീവ്രവാദികള്‍ നടത്തിയ ആക്രമണത്തില്‍ എട്ട് പൊലീസ് ഉദ്യോഗസ്ഥര്‍ കൊല്ലപ്പെടുകയും മൂന്ന് പേര്‍ക്ക് പരിക്കേല്‍ക്കുകയും ചെയ്‌തു. ചൊവ്വാഴ്‌ച രാത്രി മസരി ഷരിഫ്- ഷെബെര്‍ഗ് ദേശീയ പാതക്ക് സമീപത്ത് വെച്ചായിരുന്നു ആക്രമണം. ആക്രമണ സമയത്ത് പതിനാല് പൊലീസുകാര്‍ ഉണ്ടായിരുന്നെന്ന് ബാല്‍ക് പൊലീസ് മേധാവി അജ്‌മല്‍ ഫയീസ് പറഞ്ഞു. അതേസമയം താലിബാന്‍ ഇതുവരെ സംഭവത്തില്‍ പ്രതികരിച്ചിട്ടില്ല.