ഭാര്യയെ സംശയം; മൂന്ന് മാസം പ്രായമുള്ള പെൺകുഞ്ഞിനെ ഭർത്താവ് കൊലപ്പെടുത്തി

കുഞ്ഞിനെ തിരികെ കൊണ്ടുവരാതിരുന്നതിനെ തുടർന്ന് സംശയം തോന്നിയ ഭാര്യ കുഷീദ പൊലീസിൽ പരാതിപ്പെട്ടതിനെ തുടർന്നാണ് സംഭവം പുറം ലോകമറിയുന്നത്

അമരാവതി: ഭാര്യയെ സംശയിച്ച് ഭർത്താവ് മൂന്ന് മാസം പ്രായമുള്ള പെൺകുഞ്ഞിനെ കൊലപ്പെടുത്തി പാപ്പാഗ്നി നദിയിൽ ഉപേക്ഷിച്ചു. രണ്ട് ദിവസം മുന്‍പാണ് ഗജേന്ദ്ര കുഞ്ഞിനെ കൊലപ്പെടുത്തിയത്. കുഞ്ഞിനെ തിരികെ കൊണ്ടുവരാതിരുന്നതിനെ തുടർന്ന് സംശയം തോന്നിയ ഭാര്യ കുഷീദ പൊലീസിൽ പരാതിപ്പെട്ടിരുന്നു.

പൊലീസ് അന്വേഷണത്തിൽ ഗജേന്ദ്ര കുറ്റം സമ്മതിച്ചു. തഹസിൽദാർ ചന്ദ്രശേഖർ റെഡ്ഡി, വേണമ്പള്ളി സിഐ വെങ്കിടേശ്വർ, എസ് സുഭാഷ് ചന്ദ്രബോസ് എന്നിവരടങ്ങിയ സംഘമാണ് കുഞ്ഞിന്‍റെ മൃതദേഹം കണ്ടെത്തിയത്.