ആന്ധ്രയിൽ 98 പേര്‍ക്ക് കൂടി കൊവിഡ് സ്ഥിരീകരിച്ചു

43 പേർ രോഗമുക്തി നേടി ആശുപത്രി വിട്ടു. നിലവിൽ 845 സജീവ കേസുകളാണ് ഉള്ളത്

അമരാവതി: ആന്ധ്രാപ്രദേശിൽ കഴിഞ്ഞ 24 മണിക്കൂറിനുള്ളിൽ രണ്ട് മരണങ്ങളും 98 പുതിയ കൊവിഡ് പോസിറ്റീവ് കേസുകളും റിപ്പോര്‍ട്ട് ചെയ്തു. കൃഷ്ണ, ചിറ്റൂർ ജില്ലകളിലാണ് മരണങ്ങൾ സംഭവിച്ചത്. ഇതോടെ സംസ്ഥാനത്ത് വൈറസ് പിടിപെട്ട് ജീവൻ നഷ്ടപ്പെട്ടവരുടെ ആകെ എണ്ണം 62 ആയി. കഴിഞ്ഞ ദിവസം 43 പേർ രോഗമുക്തി നേടി ആശുപത്രി വിട്ടു. ഇതോടെ ആകെ 2,135 പേർ കൊവിഡിൽ നിന്നും സുഖംപ്രാപിച്ചു.