കർണാടകയിൽ 5,483 പേർക്ക് കൂടി കൊവിഡ് സ്ഥിരീകരിച്ചു

തുടർച്ചയായ എട്ടാം ദിവസമാണ് 5,000 കടന്ന് കൊവിഡ് കേസുകൾ സംസ്ഥാനത്ത് റിപ്പോർട്ട് ചെയ്യുന്നത്.

ബെംഗളൂരു: കർണാടകയിൽ 5,483 പുതിയ കൊവിഡ് -19 കേസുകളും, 84 മരണങ്ങൾ റിപ്പോർട്ട് ചെയ്തു. തുടർച്ചയായ എട്ടാം ദിവസമാണ് 5,000 കടന്ന് കൊവിഡ് കേസുകൾ സംസ്ഥാനത്ത് റിപ്പോർട്ട് ചെയ്യുന്നത്. കർണാടകയിൽ കൊവിഡ് മരണസംഖ്യ 2,314 ആയി. മൊത്തം രോഗബാധിതർ 1,24,115 ആയി ഉയർന്നു.

കഴിഞ്ഞ ദിവസം 3,130 രോഗികൾ ഡിസ്ചാർജ് ചെയ്തു. വെള്ളിയാഴ്ച റിപ്പോർട്ട് ചെയ്ത 5,483 പുതിയ കേസുകളിൽ 2,220 പേർ ബെംഗളൂരു നഗരത്തിൽ നിന്നുള്ളവരാണ്. സംസ്ഥാനത്തെ മരണനിരക്ക് 1.86 ആണ്. വീണ്ടെടുക്കൽ നിരക്ക് 40.14 ശതമാനമാണെന്ന് ആരോഗ്യ ബുള്ളറ്റിൻ പറഞ്ഞു. സംസ്ഥാനത്ത് ഇതുവരെ 13,50,792 സാമ്പിളുകൾ പരിശോധിച്ചിട്ടുണ്ട്.