കേന്ദ്രമന്ത്രിയുടെ മകൻ്റെ കാർ പരിശോധനയിൽ അനാസ്ഥ: രണ്ട് പോലീസുകാരെ സസ്പെൻഡ് ചെയ്തു

അശ്വനി ചൗബെയുടെ മകൻ അർജിത്തിൻ്റെ വാഹനം പരിശോധിക്കുന്നതിൽ അനാസ്ഥ കാണിച്ച അസിസ്റ്റൻ്റ്  സബ് ഇൻസ്പെക്ടറെയും കോൺസ്റ്റബിളിനെയും പട്‌ന പോലീസ് കമ്മീഷണർ ആനന്ദ് കിഷോർ സസ്‌പെൻഡ് ചെയ്തു.

പട്‌ന:കേന്ദ്രമന്ത്രി അശ്വനി ചൗബെയുടെ മകൻ അർജിത്തിൻ്റെ വാഹനത്തിൻ്റെ രേഖകൾ പരിശോധിക്കുന്നതിൽ വീഴ്ച വരുത്തിയതിനെതുടർന്ന് പട്‌ന പോലീസ് കമ്മീഷണർ ആനന്ദ് കിഷോർ ഡ്യൂട്ടിയിലുണ്ടായിരുന്ന അസിസ്റ്റൻ്റ് സബ് ഇൻസ്പെക്ടറെയും കോൺസ്റ്റബിളിനെയും സസ്‌പെൻഡ് ചെയ്തു. എല്ലാ വാഹനങ്ങളും പരിശോധിക്കാൻ തീരുമാനിച്ചിട്ടുണ്ടെന്നും കൃത്യനിർവഹണം നിർവഹിച്ചില്ലെങ്കിൽ ഉചിതമായ നടപടി സ്വീകരിക്കുമെന്നും ആനന്ദ് കിഷോർ പറഞ്ഞു. അർജിത് ചൗബെയും ഭാര്യയും അമ്മയും സഞ്ചരിച്ചിരുന്ന വാഹനം പരിശോധിക്കാൻ കിഷോർ രണ്ട് പൊലീസ് ഉദ്യോഗസ്ഥരോട് ആവശ്യപ്പെട്ടിരുന്നു. എന്നാൽ പൊലീസ് വാഹനം നിർത്തിയെങ്കിലും രേഖകൾ പരിശോധിക്കാൻ തയ്യാറായില്ല. ഇതേ തുടർന്നാണ് എ.എസ്.ഐ ദേവ്‌പാൽ പാസ്വാനെയും കോൺസ്റ്റബിൾ ദിലീപ് ചന്ദ്രയെയും സസ്‌പെൻഡ് ചെയ്യാൻ കിഷോർ ഉത്തരവിട്ടത്.