ശ്രീനഗർ: ജമ്മു കശ്മീരിലെ കുഞ്ജവാനി ബൈപാസിൽ 20 ലക്ഷം രൂപ വിലവരുന്ന 400 ഗ്രാം ഹെറോയിനുമായി രണ്ട് പേർ പിടിയിൽ. റോഡരികിൽ സംശയാസ്പദമായ സാഹചര്യത്തില്‍ നിർത്തിയിട്ടിരുന്ന ട്രക്കിൽ നടത്തിയ പരിശോധനയിലാണ് ഹെറോയിന്‍ പിടികൂടിയത്. പഞ്ചാബിലെ ജലന്ധർ സ്വദേശിയായ ഹർദീപ് സിംഗ്, കപൂർത്തല സ്വദേശിയായ ദർബറ റാം എന്നിവരെയാണ് പൊലീസ് പിടികൂടിയത്. നർകോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസ് ആക്റ്റ് പ്രകാരം ഇരുവർക്കുമെതിരെ കേസ് രജിസ്റ്റർ ചെയ്തു. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.