ഹൗറ റെയില്‍വെ സ്റ്റേഷനില്‍ കല്‍ക്ക മെയിലിന്‍റെ രണ്ട് കോച്ചുകൾ പാളം തെറ്റി
ഞായറാഴ്‌ച പുലര്‍ച്ചെ നടന്ന സംഭവത്തെ തുടര്‍ന്ന് തെക്ക്- കിഴക്കന്‍ ഭാഗത്തേക്കുള്ള ട്രെയിന്‍ ഗതാഗതം തടസപ്പെട്ടു.
ഹൗറ സ്റ്റേഷനില്‍ കല്‍ക്ക മെയിലിന്‍റെ രണ്ട് കോച്ചുകൾ പാളം തെറ്റി
കൊല്‍ക്കത്ത: പശ്ചിമ ബംഗാളില്‍ കല്‍ക്ക മെയിലിന്‍റെ ശൂന്യമായ രണ്ട് കോച്ചുകൾ ഹൗറ റെയില്‍വെ സ്റ്റേഷനില്‍ പ്രവേശിക്കുന്നതിനിടെ പാളം തെറ്റി. ഞായറാഴ്‌ച പുലര്‍ച്ചെ നടന്ന സംഭവത്തെ തുടര്‍ന്ന് തെക്ക്- കിഴക്കന്‍ ഭാഗത്തേക്കുള്ള ട്രെയിന്‍ ഗതാഗതം തടസപ്പെട്ടു. 31 ഇഎംയു ലോക്കല്‍ ട്രെയിനുകളാണ് റദ്ദാക്കിയത്. സാന്ദ്രാഗച്ചി റെയില്‍വെ സ്റ്റേഷനിലെ ട്രെയിന്‍ ഗതാഗതവും ഭാഗികമായി തടസപ്പെട്ടു. എന്നാല്‍ കിഴക്കന്‍ റെയില്‍വെ മേഖലയെ പാളം തെറ്റിയത് ബാധിച്ചില്ല. ഹൗറയ്‌ക്കും ഹരിയാനയിലെ കല്‍ക്കുമിടയില്‍ സഞ്ചരിക്കുന്ന ട്രെയിനാണ് കല്‍ക്ക മെയില്‍.