അനധികൃത മദ്യവിൽപന; റെയ്‌ഡിനിടെ പൊലീസിന് നേരെ കല്ലേറ്

മദ്യത്തിന്‍റെ നിർമാണവും വിതരണവും വിൽപനയും പൂർണമായും നിരോധിച്ച സംസ്ഥാനങ്ങളിലൊന്നാണ് ബിഹാർ.

പട്‌ന: ബിഹാറിലെ വൈശാലി ജില്ലയിൽ അനധികൃത മദ്യവിൽപന നടന്ന സ്ഥലത്തെ റെയ്‌ഡിനിടെ പൊലീസുകാർക്ക് നേരെ കല്ലേറ്. പത്തോളം പൊലീസ് ഉദ്യോഗസ്ഥർക്കാണ് അക്രമത്തിൽ പരിക്കേറ്റത്. മദ്യത്തിന്‍റെ നിർമാണവും വിതരണവും വിൽപനയും പൂർണമായും നിരോധിച്ച സംസ്ഥാനങ്ങളിലൊന്നാണ് ബിഹാർ. അനധികൃത മദ്യവിൽപന നടക്കാൻ സാധ്യതയുണ്ടെന്ന വിവരത്തെ തുടർന്ന് റെയ്‌ഡ് നടത്തുന്നതിനിടെയാണ് അക്രമം നടന്നതെന്ന് എസ്‌ഡിപിഒ നൂറുൽ ഹാക്ക് പറഞ്ഞു. പൊലീസ് വാഹനവും തകർന്നിട്ടുണ്ട്.