ഭഗവന്ത് മൻ ഗവർണറെ കണ്ടു ; പഞ്ചാബിൽ സത്യപ്രതിജ്ഞ മാർച്ച് 16ന്

അഹങ്കാരമില്ലാതെ പ്രവർത്തിക്കണമെന്ന് പാർട്ടി പ്രവർത്തകരോട് ഭഗവന്ത് മന്‍

അമൃത്‌സര്‍ : നിയുക്ത പഞ്ചാബ് മുഖ്യമന്ത്രിയും ആം ആദ്‌മി പാർട്ടി നേതാവുമായ ഭഗവന്ത് മൻ ഗവർണറെ കണ്ട് സർക്കാർ രൂപീകരണത്തിന് അവകാശവാദം ഉന്നയിച്ചു. സത്യപ്രതിജ്ഞ ചടങ്ങിന്‍റെ സ്ഥലവും സമയവും അറിയിക്കാൻ ഗവർണർ ആവശ്യപ്പെട്ടതായി ഭഗവന്ത് പറഞ്ഞു. മാർച്ച് 16 നാണ് സത്യപ്രതിജ്ഞ ചടങ്ങ്. ചണ്ഡിഗഡിലെ വസതിയിൽ ചീഫ് സെക്രട്ടറിയുടെയും ഡിജിപിയുടെയും യോഗവും ഭഗവന്ത് മൻ വിളിച്ചിട്ടുണ്ട്.

അതേസമയം അഹങ്കാരമില്ലാതെ പ്രവർത്തിക്കണമെന്ന് മൻ പാർട്ടി പ്രവർത്തകരോട് അഭ്യർഥിച്ചു. തെരഞ്ഞെടുക്കപ്പെട്ട എം.എൽ.എമാർ അവരുടെ മണ്ഡലങ്ങളിൽ എപ്പോഴും ഉണ്ടാകണമെന്നും മൻ എം.എൽ.എമാർക്ക് നിർദേശം നൽകി.