ബെംഗളൂരു:ബെംഗളൂരുവിലെ ഇലക്‌ടോണിക് സിറ്റി ഫ്ലൈഓവറിൽ കാർ ഇടിച്ച് രണ്ട് തമിഴ്‌നാട് സ്വദേശികൾ മരിച്ചു. ചൊവ്വാഴ്‌ച രാത്രി 9.15ന് സ്‌കൂട്ടറിൽ യാത്ര ചെയ്യുകയായിരുന്ന പ്രീതം (30) എന്ന യുവാവും കൃതിക (28) എന്ന പെൺകുട്ടിയുമാണ് മരിച്ചത്.
കാർ ഇടിച്ച് രണ്ട് തമിഴ്‌നാട് സ്വദേശികൾ മരിച്ചു
ബെംഗളൂരുവിലേക്ക് അമിത വേഗതയിൽ പോവുകയായിരുന്ന കാർ മറ്റൊരു വാഹനത്തെ ഓവർടേക്ക് ചെയ്യുന്നതിനിടെയാണ് നിയന്ത്രണം വിട്ട് ബൈക്ക് യാത്രികരെ ഇടിച്ചത്. ബൈക്കിൽ നിന്നും തെറിച്ച്, ഫ്ലൈഓവറിന് താഴെയുള്ള ഹൈവേയിലേക്ക് ഇരുവരും വീഴുകയായിരുന്നു. തലയ്‌ക്ക് ഗുരുതരമായി പരിക്കേറ്റതിനാൽ സംഭവസ്ഥലത്ത് വച്ച് തന്നെ മരിച്ചു.