മാസ്‌ക് ധരിക്കാതെയെത്തിയ ആള്‍ക്ക് നേരെ വെടിയുതിര്‍ത്ത് ബാങ്ക് സെക്യൂരിറ്റി

ബറേലിയിലെ ബാങ്ക് ഓഫ് ബറോഡയുടെ സ്റ്റേഷൻ റോഡ് ശാഖയിലാണ് സംഭവം.

ലഖ്‌നൗ: മാസ്‌ക് ധരിക്കാത്തയാള്‍ക്ക് നേരെ വെടിയുതിർത്ത് ബാങ്കിലെ സെക്യൂരിറ്റി ഉദ്യോഗസ്ഥൻ. ബറേലിയിലെ ബാങ്ക് ഓഫ് ബറോഡയുടെ സ്റ്റേഷൻ റോഡ് ശാഖയിലാണ് സംഭവം. കാലിന് വെടിയേറ്റ രാജേഷ് കുമാർ എന്നയാളെ ആശുപത്രിയില്‍ പ്രവേശിപ്പിച്ചു.

പണം പിൻവലിക്കുന്നതിനായാണ് രാജേഷ് കുമാർ ബാങ്കിലെത്തിയത്. എന്നാൽ മാസ്‌ക് ധരിക്കാത്തതിനാൽ സെക്യൂരിറ്റി രാജേഷിനെ ബാങ്കിലേക്ക് കടത്തിവിട്ടില്ല. തുടര്‍ന്ന് ഇരുവരും തമ്മില്‍ തർക്കമായി. പിന്നാലെയാണ് വെടിവയ്‌പ്പുണ്ടായത്. സംഭവത്തില്‍ അന്വേഷണം ആരംഭിച്ച പൊലീസ് സെക്യൂരിറ്റി ജീവനക്കാരനെ കസ്റ്റഡിയിലെടുത്തിട്ടുണ്ട്.