വടക്കൻ കശ്മീരിൽ ഏറ്റുമുട്ടൽ; തീവ്രവാദി കൊല്ലപ്പെട്ടു

ബാബർ അലി എന്ന പാകിസ്ഥാന്‍ ഭീകരനാണ് ചൊവ്വാഴ്ച സുരക്ഷ സേനയുമായുള്ള ഏറ്റുമുട്ടലിൽ കൊല്ലപ്പെട്ടത്.

ശ്രീനഗർ:ചൊവ്വാഴ്ച രാവിലെ വടക്കൻ കശ്മീരിലെ ബന്ദിപോര ജില്ലയിൽ തീവ്രവാദികളും സുരക്ഷാ സേനയും തമ്മിൽ ഉണ്ടായ ഏറ്റുമുട്ടലിൽ ഒരു ഭീകരന്‍ കൊല്ലപ്പെട്ടു. ബന്ദിപോര ജില്ലയിലെ ചന്ദാജി പ്രദേശത്താണ് സംഭവം. പ്രദേശത്ത് തീവ്രവാദികളുണ്ടെന്ന രഹസ്യവിവരത്തെത്തുടർന്നാണ് സേന തെരച്ചിൽ ആരംഭിച്ചത്. ബാബർ അലി എന്ന ഭീകരന്‍ ആണ് കൊല്ലപ്പെട്ടത്. പ്രദേശത്ത് കൂടുതൽ അന്വേഷണം തുടരുകയാണ്.