ഗുവാഹത്തി (അസം): തട്ടിപ്പു കേസില്‍ പ്രതിശ്രുത വരനെ ജയിലിലാക്കിയ അസമിലെ 'ലേഡി സിങ്കം' ജോന്‍മണി രാഭ അതേ കേസില്‍ ജയിലില്‍. കാമുകനുമായി ചേര്‍ന്ന് തങ്ങളെ കബളിപ്പിച്ച് പണം തട്ടി എന്ന് കാണിച്ച് രണ്ട് കരാറുകാര്‍ നല്‍കിയ പരാതിയിലാണ് നടപടി. നിലവില്‍ നാഗോൺ ജില്ലയിലെ പൊലീസ് സ്റ്റേഷനിൽ സബ് ഇൻസ്‌പെക്‌ടറായ ജോന്‍മണിയെ രണ്ട് ദിവസമായി ചോദ്യം ചെയ്‌ത് വരികയായിരുന്നു.
മജൂലി കോടതി ജോന്‍മണിയെ 14 ദിവസത്തേക്ക് റിമാന്‍ഡ് ചെയ്‌തു. ഓയിൽ ആൻഡ് നാച്ചുറൽ ഗ്യാസ് കോർപ്പറേഷന്‍റെ (ONGC) ഉന്നത ഉദ്യോഗസ്ഥനാണെന്ന് തെറ്റിദ്ധരിപ്പിച്ച് ജോലി വാഗ്‌ദാനം ചെയ്‌ത് പണം തട്ടിയ കേസിലെ പ്രതിയായിരുന്നു ജോന്‍മണിയുടെ കാമുകന്‍ റാണ പൊഗാഗ്. 2022 നവംബറില്‍ ഇരുവരുടേയും വിവാഹവും നടത്താന്‍ തീരുമാനിച്ചിരുന്നു.