ചെന്നൈ:എട്ട് വീല്‍ (eight-wheel truck) ട്രക്ക് മാര്‍ക്കറ്റ് പിടിക്കാന്‍ ഹിന്ദുജ ഗ്രൂപ്പിന്‍റ വാഹന നിര്‍മാണ കമ്പനിയായ അശോക് ലെയ്‌ലാന്‍ഡ് (Ashok Leyland) എത്തുന്നു. ലെയ്‌ലാന്‍ഡിന്‍റെ ഏറ്റവും പുതിയ ടെക്നോളജിയില്‍ നിര്‍മിച്ച കരുത്തന്‍ എവിടിആര്‍ 2620 പുറത്തിറക്കി. ഏത് ഭാരവും താങ്ങാന്‍ കഴിയുന്ന തരത്തില്‍ ലൈഫ് ആക്സില്‍ ടെക്നോളജി ഉപയോഗിച്ചാണ് വാഹനം നിര്‍മിച്ചിരിക്കുന്നത്.
ഉപഭോക്താവിന് വഹിക്കേണ്ട ഭാരത്തിന് അടിസ്ഥാനമാക്കി വിവിധ വേരിയെന്‍റുകളും വാഹനത്തില്‍ കമ്പനി അവതരിപ്പിച്ചിട്ടുണ്ട്. ഇതോടെ ഫുള്‍ റേഞ്ച് ലൈഫ് ആക്സില്‍ ടെക്നോളിയില്‍ നിര്‍മിച്ച രാജ്യത്തെ ആദ്യ ട്രക്കാണിതെന്ന് കമ്പനി അവകാശപ്പെട്ടു. 25.5 മുതല്‍ 47.5 ടൺ വരെ ഭാരം വഹിക്കാന്‍ ശേഷിയുള്ളതാണ് വാഹനം.